MPB zbulon detaje për vrasësin serik në Strumicë

Sipas hetimit të policisë, dy trupat që u gjetën në digën e Strumicës janë kryer nga një person.

Nga Ministria e Punëve të Brendshme për dyshime për ‘Vrasje’ do ta hetojnë 54 vjeçarin nga fshati Dobrejci i cili tashmë ndodhet në paraburgim, njofton Telegrafi Maqedoni.

Vrasjet, sipas hetimit, kanë ndodhur në mënyrë identike, së pari viktimat janë qëlluar me armë dhe më pastaj trupat janë vendosur në bure të rënda, në mënyrë që sa më shumë të peshojë dhe më pastaj është hedhur në digë.

Për trupin e dytë, është vërtetuar se bëhet fjalë për person që është denoncuar si i zhdukur që nga tetori i vitit të kaluar.

Lexo po ashtu Vrasësi serik nga Strumica është në paraburgim

Gjatë autopsisë është vërtetuar se është qëlluar me armë të kalibri 5.6 mm, njëlloj si në rastin e parë dhe i njëjti trup është gjetur në digën Turija në Strumicë.

Viktima e dytë ka poseduar pronë, ndërsa i dyshuari për vrasjen ka pasur për qëllim ta blejë për rreth 18.000 euro. Marrëveshjen e kanë nënshkruar, por paratë nuk janë paguar, kështu që viktimës nga Strumica i është thënë se paratë do t’i marrë në dorë në Dobrejci, ku edhe ka ndodhur incidenti fatal/Telegrafi/