MPB sqaron kallëzimin penal kundër Kovaçevskit, mundësoi Lotarisë të organizojë lojëra fati pa licencë

Ministria e Punëve të Brendshme ka sqaruar pse ka ngritur kallëzim penal ndaj ish-kryeministrit Dimitar Kovaçevski, si dhe ndaj Sekretarit të Përgjithshëm në Qeveri, Metodija Dimovski, të cilët për momentin nuk janë përfshirë në hetimin e krimeve në Lotarinë Shtetërore.

Sipas informacioneve të dhëna nga Ministria për mediat, Kovaçevski si kryeministër, pas marrëveshjes së mëparshme me Përparim Bajramin, më 8 mars 2022, ka keqpërdorur pozitën zyrtare, e ka futur në rend dite dhe ka miratuar procedurë për themelimin e shoqërisë tregtare “Video Lotaria e Re Shtetërore – Novo VLT DOO Shkup”, edhe pse e dinte se materialet nuk shqyrtohen në seancë sipas Rregullores së Punës së Qeverisë (neni 68 par. 1). Me këtë, siç thonë nga MPB-ja, Kovaçevski ia mundësoi kompanisë të fitojë të drejtën e organizimit të lojërave të fatit pa licencë dhe personave përgjegjës u siguroi përfitim pasuror kundërligjor prej 8.598.000 denarë.

Në lidhje me Dimovskin, nga ana tjetër, MPB-ja thotë se në cilësinë e Sekretarit të Përgjithshëm të Qeverisë, përkundër faktit se ai e dinte se materialet e dorëzuara në Qeveri nuk ishin shqyrtuar në seancën e Qeverisë, ai propozoi si një pikë në rendin e ditës për shqyrtimin e informacionit lidhur me procedurën e krijimit të tre shoqërive të reja tregtare për organizimin e lojërave të fatit online dhe në këtë mënyrë, duke tejkaluar kufijtë e kompetencave të tij zyrtare, u mundësoi personave përgjegjës të personat juridik nga Shkupi dhe Manastiri për të fituar pasuri të konsiderueshme kundërligjore në vlerë të përgjithshme prej 4.852.212 denarë, ndërsa personat juridikë të sapoformuar nga Manastiri dhe Shkupi kanë arritur përfitim pasuror të kundërligjshëm në masë të madhe në shumë prej 55.029.956 denarë.

Prokuroria paraprakisht njoftoi se Kovaçevski dhe Dimovski janë paraqitur edhe për një periudhë tjetër dhe për veprime të tjera. Kallëzimi penal i MPB-së kundër ish-kryeministrit Dimitar Kovaçevski dhe ish-sekretarit të përgjithshëm të Qeverisë, Metodija Dimovski, nuk është refuzuar, ndërsa Prokuroria është duke i kontrolluar akuzat.

“Kujdojmë se dy personat që ju përmendni (Kovaçevski dhe Dimovski) janë raportuar për një periudhë krejtësisht të ndryshme kohore dhe për veprime të tjera, dhe në seancën e datës 06.06.2023, kur pika e rendit të ditës ishte vendimi i lartpërmendur, tani kryesonte vetëm i dyshuari”, thonë nga Prokuroria.

Prokuroria ka kërkuar dje masën e paraburgimit për drejtorin e “Lotarisë së Shtetit”, Pëparim Bajrami dhe për ish-zëvendëskryeministrin, Artan Grubi, për përvetësim në “Lotarinë e Shtetit”. Sipas informacioneve, qëllimi i kërkesës është që menjëherë pas gjetjes së dy të dyshuarve, të cilët aktualisht nuk ndodhen në vend, të fillojë zbatimi i masës së paraburgimit, si dhe ndalimi i tyre. Gjykata vendos sot për paraburgimet.

Katër të dyshuarit e tjerë ishin kryetar dhe anëtarë të komisionit për dy thirrje publike të ndara për të cilat dyshohet se kanë keqpërdorur kompetencat dhe detyrat e veçanta dhe kanë kryer thirrje publike edhe pse e kanë ditur se një procedurë e tillë në rastet konkrete duhet të mos kryhen për shkak se nuk janë plotësuar kushtet ligjore./Telegrafi/