Motra e Ronaldos reagon për golin e anuluar të yllit portugez nga VAR-i

Motra e Cristiano Ronaldos ka pohuar se vëllai i saj ishte “grabitur” pasi goli i shënuar i tij në minutat e fundit të takimit për Juventusin ndaj Udineses, u anulua nga VAR-i për pozitë jashtë loje.

Pesë herë fituesi i Topit të Artë thuhet se kërkoi të fillojë ndeshjen e së dielës në Serie A nga banka rezervë, mes spekulimeve për të ardhmen e tij te Zonja e Vjetër.

Paulo Dybala e kaloi Juventusin në epërsi të hershme në Stadio Friuli, para se Juan Cuadrado të dyfishonte epërsinë e skuadrës së tij para përfundimit të pjesës së parë.

Sidoqoftë, Udinese u kundërpërgjigj në pjesën e dytë pasi Roberto Pereyra shënoi nga penalltia dhe Gerard Deulofeu e barazoi rezultatin në minutën e 83-të në 2-2.

Ronaldo u inkuadrua nga banka rezervë në vend Alvaro Moratës, me superyllin e Juventusit që u mendua fillimisht që ia siguroi tre pikë skuadrës së tij.

Lexo po ashtu E hoqi fanellën dhe filloi festa e 'çmendur', por Ronaldo u dëshpërua nga VAR-i kur e kuptoi se goli i tij u anulua

Sulmuesi portugez 36-vjeçar mori një krosim nga  Federico Chiesa në kohën shtesë dhe gjuajti me kokë, duke mposhtur Marco Silvestrin.

Por, Ronaldos iu mohua goli fitues pasi VAR ndërhyri dhe vendosi që krahu i tij ishte në pozicion jashtë loje.

Elma dos Santos Aveiro tani përmes mediave sociale ka shpërthyer kundër vendimit për të anuluar golin e shënuar nga vëllai i saj.

Motra e Ronaldos postoi një fotografi të vendimit jashtë loje në Instagram Stories dhe shkroi: “Po të kishe shpatullën time, do të ishe brenda”.

“Ju duhet të zëvendësoni  vijat e trasha me të mesme. Grabitja fillon”.

Ronaldo u ndëshkua nga gjyqtari për heqjen e fanellës gjatë festimit të tij, me Juventusin që u largua me një pikë nga ndeshja me Udinesen. /Telegrafi/