Moti në Kosovë

Mot i ndryshueshëm edhe gjatë javës në vijim, priten edhe reshje lokale shiu. Të mërkurën mot më stabil kryesisht me diell.

Rajoni ynë edhe gjatë kësaj jave mbetet kryesisht nën ndikimin e fushave të paqëndrueshme të presionit të ulët, që do të kushtëzojnë mot të ndryshueshëm e kohëpaskohe me mundësi për reshje lokale shiu, kryesisht orëve të pasdites.

Në aspektin termik masa më të freskëta ajrore të ardhura nga verilindja e kontinentit do të mbajnë temperaturat rreth vlerave mesatare. Ditën e mërkurë fusha të presionit të lartë nga Skandinavia do të zhvendosen nga Europa lindore, ku mbi vendin tonë do të sjellin mot më stabil dhe me intervale më të gjata me diell.

15.04 – Kryesisht me vranësira. Pasdite dhe në mbrëmje priten reshje lokale shiu.

16.04 – Vranësira dhe intervale me diell. Pasdite mundësi për riga lokale shiu.

17.04 – Kryesisht me diell, pasdite dhe në mbrëmje vranësirat do të shtohen.

18.04-19.04 – Të enjten kryesisht me vranësira. Pasdite priten reshje lokale shiu me mundësi edhe për bubullima. Të premten vranësira dhe intervale me diell, e pasdite mundësi për riga lokale shiu.

Temperaturat do të luhaten rreth vlerave mesatare. Minimale do të luhaten nga 3C deri në 5C, e maksimalet do të luhaten nga 14C deri në 16C.

Do të fryj erë mesatare nga verilindja 2-8m/s.

Shtypja atmosferike gradualisht do të rritet mbi vlera normale.