Këngëtarja dhe aktorja, Morena Taraku, ka qenë në qendër të vëmendjes në Festivalin e 82-të Ndërkombëtar të Filmit në Venecia, ku u shfaq me një pamje që spikati në tapetin e kuq.
Morena zgjodhi një fustan të gjatë, me shkëlqim ngjyrë ari, që theksonte siluetën e saj elegante.
Ajo e kompletoi dukjen me një shall luksoz prej puplash të bardha dhe një varg të gjatë perlash, duke i dhënë paraqitjes një frymë klasike të inspiruar nga epoka e artë e Hollywood-it.
Me flokët e kapura në një stil retro dhe grim të sofistikuar, Morena u shfaq e sigurt dhe plot hijeshi, duke tërhequr vëmendjen e të pranishmëve në event.
Fansat e kanë komplimentuar për elegancën dhe stilin e veçantë.
Kjo paraqitje e vendos këngëtaren shqiptare ndër emrat që shkëlqyen më shumë në këtë edicion të festivalit prestigjioz. /Telegrafi/
