Morena Taraku dhe Stresi vizitojnë në Tiranë fëmijën që u hodh nga kati i pestë për ti shpëtuar tërmetit

Këngëtarja dhe modelja e njohur shqiptare, Morena Taraku, të martën bëri të ditur se u nis nga Turqia për të ardhur në Shqipëri, për të vizituar disa nga të prekurit nga tërmetet.

Kështu ajo në orët e vona arriti në Tiranë, ku iu bashkua reperit të njohur Arkimed Lushaj – Stresi, për të vizituar disa nga njerëzit në nevojë.

https://www.instagram.com/p/B5ngBB_FA5W/

Kështu, ata vizituan Spitalin Universitar të Traumës në Tiranë – atje ku takuan një djalë të vogël, i cili i ka mbijetuar tërmetit, ndonëse ndodhej në katin e pestë të banesës.

Ajo publikoi në rrjetin social Instagram një fotografi nga vizita e realizuar me Stresin, ku shihet të jenë emocionuar të dy nga Alesio i vogël.

https://www.instagram.com/p/B5n8jx1lDws/

“Alesio një hero i vërtetë u hodh nga kati i pestë dhe shpëtoi…unë e Stresi që sot e kemi bërë një vëlla të vogël”, kanë qenë fjalët e bukuroshes Taraku në Instagram.

Më pas, ajo solli për ndjekësit e saj në Instagram edhe një tjetër video, ku shihej duke gëzuar fëmijët në Spitalin Universitar të Traumës me prezencën e saj.

https://www.instagram.com/p/B5oCTKVlM4o/

Kujtojmë që këto ditë, një vizitë enkas për të prekurit nga tërmetet e ka realizuar edhe artistja shqiptare me famë ndërkombëtare, Bebe Rexha. /Telegrafi/

Lexo po ashtu Morena Taraku dhe Stresi vizitojnë në Tiranë fëmijën që u hodh nga kati i pestë për ti shpëtuar tërmetit