“Alb Obscura” në partneritet me Teatrin e Qytetit “Bekim Fehmiu” kanë paraqitur premierën e monodramës “Dr. Zhivago”, të autorit dhe regjisorit Mahir Musliu, në Qendrën Kulturore Boshnjake në Prizren.
Loja e aktorit Ernest Malazogu në kuadër të rrjedhës së shfaqjes ka bërë që publiku të lundrojë nëpër emocione hareje e pikëllimi, për të kulmuar në fund me duartrokitjet e gjata në shenjë mirënjohjeje për punën artistike të realizuar në nivel të lartë.
Në këtë shfaqje alternative, ku janë ndërthurur filmi e teatri, paraqitet rrëfimi se si “Dr. Zhivago” jeton në një habitat të rrethuar midis sfidave dhe kaosit. Ai mendon se arratisja nga një vend në tjetrin i shporr nga vetja brengat dhe ballafaqimin me realitetin. Monodrama shpalos konceptin mbi lirinë e njeriut dhe reflektimin mbi trazirat shoqërore. Në këtë rrafsh theksohet se burgjet e brendshme dhe të padukshme që në raste e prangosin jetën njerëzore, janë pengesa më të mëdha sesa burgjet fizike dhe se të jetuarit me to përbën dënimin më të tmerrshëm që mund ta marrë njeriu ndonjëherë, raporton Telegrafi.
Monodrama në mënyrë artistike prek mbi sfidat e shumta me të cilat përballet shoqëria kosovare, me mjaft referenca lokale, ndërkohë që personazhi në fund i lutet Zotit që ta ruaj vendin nga e keqja. “Në vendin në të cilin diploma e universitare blihet në tezga ai është burg. Vendi në të cilin lumenjtë, ambienti, pronat publike konsiderohen si deponi për hedhjen e mbeturinave ai është burg. Burg është vendi në të cilin ti apo cilido e harxhoni ndoshta qindarkën e fundit për të shkolluar fëmijët e juaj dhe në fund ju i shihni ata fëmijë të papunë sepse nuk e ke asnjë të njohshëm. Burg është vendi në të cilin i pasuri mjekohet, ndërsa i varfri vdes para dyerve të spitalit, me të njëjtën diagnozë. Vendi i cili i fal patundshmëritë e veta, i fal tokat e veta para syve të tu, ndërsa toka e vetme që të takon ty qenka vetëm varri, pse vetëm si shpagim për shërbimin, ai është burg. O Zot, të lutem kujdesu për këtë popull. Të lutem ruaje këtë popull nga hajdutët, nga matrapazët, të lutem ruaje këtë vend nga e keqja”.
Pas premierës, aktori prizrenas, Ernest Malazogu ka pranuar se monodrama është njëra prej gjinive më të vështira për realizim dhe se i mbetet publikut që ta vlerësoj vlerën artistike të këtij projekti. Ai ka theksuar se publiku ka arritur që ta kuptoj mesazhin, duke qenë se në këtë shfaqje paraqitet një copëz e realitetit të Kosovës në 25 vitet e fundit, respektivisht dhimbja shumëvjeçare e popullit, që akoma ka vuajtje.
“Burgjet e brendshme që i përjetojmë përditë janë të tmerrshme, dhe nuk është marre me u largu prej këtyre burgjeve. Marre është që të jetojmë me këto burgje, dhe kjo është prej mesazheve kryesore të shfaqjes, sepse neve këto burgje ende po na brengosin, po na mbajnë mbyllur në shpirt”, ka thënë Malazogu, raporton Telegrafi.
Autori dhe regjisori i kësaj monodrame, Mahir Musliu ka shpjeguar se ideja për këtë projekt artistik ka nisur dy vjet më parë, prej idesë së skenarit, përpunimit të idesë, xhirimeve e realizimit në teatër, që sipas tij është jetësuar me qasje alternative, duke ngërthyer edhe filmin në shfaqje për tu përmbyllur sërish me film. “Dilema jonë më e madhe ka qenë se në këto pak minuta a do të mundemi ta përmbledhim një temë kaq të gjerë, prej fillimit deri te epilogu me shpërthimin e bombës atomike”, ka thënë Musliu.
Ai ka shtuar se kjo është hera e parë që e ka sprovuar veten me një tekst për teatër dhe se është i kënaqur me reagimin e publikut. “Reagimi i publikut ka qenë brenda konceptit, pra buzë e vaj… Mendoj që sot gjuha e publikut ka treguar se shfaqja ka arritur qëllimin e vet. Në fakt reagimi i publikut i ka tejkaluar pritjet tona”, është shprehur Musliu.
Projekti në fjalë është mbështetur nga Ministria e Kulturës, Rinisë dhe Sporteve./Telegrafi/.
Lufta Prigozhin - Putin
Më shumëNga Rubrika
Kryeministri Kurti viziton Dragashin: Në këtë fatkeqësi kemi pasur fat që nuk ka vdekur askush
Të rinjtë e Prizrenit dhe të Kukësit shkëmbejnë përvojat në edukimin mediatik
Zanzi Band ndez atmosferën për edicionin e dytë të Prizren Rock and Blues Music Festival
Parlamenti i Spanjës nuk mbështet iniciativën e partisë katalunase “Junts” për njohjen e shtetit të Kosovës, 293 deputetë votuan kundër
Miliarderi shpërbleu Kombëtaren e Gjeorgjisë me 10 milionë euro, premtoi një premio të jashtëzakonshëm nëse do të përjashtonin Spanjën
Policia identifikoi kamera vëzhguese të kamufluara për monitorim të lëvizjes së qytetarëve dhe institucioneve të Kosovës në veri
UEFA me dorë të hekurt, FSHF merr dënimin më të madh në Evropian
Rekordi që ka thyer Ronaldo në Euro 2024, nuk e kishte bërë kurrë më parë në një Kampionat Evropian
Zyrtare: Nacho largohet nga Reali dhe prezantohet te skuadra e re
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Faza e eliminimit direkt në Euro 2024: Kompletohen çiftet, mësohet orari
Pse nuk u takua me Vuçiqin dhe a kanë vdekur marrëveshjet e Brukselit dhe Ohrit? - krejt çka tha Kurti pas takimit në Bruksel
Grusht shteti në Bolivi? Ushtarët sulmojnë pallatin presidencial, presidenti kërkon që të respektohet demokracia
Mburrej me të pasmet e saj 27-milionëdollarëshe: Besohet se trupi i saj nuk ka asnjë të metë, megjithatë realiteti është ndryshe
Hungaria priti tri ditë për tu eliminuar nga Euro 2024, Kroacia e treta më e dobët
Tifozët belgë filluan ta shanin, De Bruyne u hakmerret menjëherë