Momenti kur anija testuese SN8 e SpaceX, nuk arriti të ulej me sukses dhe shpërtheu

Pas problemeve të pësuara të martën, këtë të mërkurë SpaceX përsëri u përpoq të nisë prototipin e anijes SN8, si pjesë e një testi fluturimi  në lartësi të lartë.

Testi u zhvillua në Cameron County, shteti i Teksasit, në Shtetet e Bashkuara. Sidoqoftë, përkundër përpjekjeve, anija nuk arriti të ulej në mënyrë të kënaqshme, transmeton Telegrafi.

Siç ishte planifikuar, nisja u zhvillua rreth orës 11:00 GMT (4:40 me kohën tonë).

Pavarësisht nga misioni i dështuar të mërkurën, Musk kohët e fundit kishte avancuar që shanset për sukses të testit SN8 ishin një në tre.

Misioni i së mërkurës erdhi një ditë pasi fluturimi i parë i provës së lartësisë së lartë në Starship u anulua në minutën e fundit në Teksas të martën.

Qëllimi ishte që të niste Starship në një lartësi prej 12.5 kilometra (8 milje) – më e larta deri më tani – dhe pastaj të kthehej anijen për një ulje vertikale. Kjo zbritje e butë pritet të jetë pa motor, e ngjashme me atë të një parashutisti.

Kompania tashmë ka kryer pesë fluturime provë të Starship, por ato modele të mëparshme, më të thjeshta nuk janë ngjitur më shumë se 150 metra. /Telegrafi/