“Momente të thella terrori”, Donnarumma thyen heshtjen pasi u lidh dhe u grabit në shtëpi

Portieri i Paris Saint-Germain, Gianluigi Donnarumma foli për lidhjen e tij dhe grabitjen në shtëpi, duke e quajtur atë “ndjenja më e keqe që mund të keni”.

24-vjeçar italian dhe partnerja e tij Alessia Elefante u lidhën dhe u grabitën në shtëpinë e tyre në Paris natën e 20 korrikut, duke humbur rreth 500 mijë euro sende personale me vlerës.

Pasi u liruan në orët e para të 21 korrikut, dyshja u arratisën në një hotel luksoz përpara se të raportonin incidentin në policinë parisiane.

Duke folur për gazetën Libero përmes Calciomercato.com, Donnarumma tregoi përvojën e tmerrshme.

Lexo po ashtu Donnarumma dhe partnerja e tij lidhen dhe grabiten në shtëpinë e tyre në Paris, i rrëmbehen mallra me vlerë të madhe

“Të gjesh veten në tre të mëngjesit me njerëz në shtëpinë tënde krejt papritur, mendoj se është ndjenja më e keqe që mund të kesh”, ka thënë fillimisht Donnarumma.

“Unë u lidha dhe Alessia u detyrua të dorëzonte gjithçka të çmuar. Nuk mund të hyj në shumë detaje, ka hetime në vazhdim dhe tani po shkoj në policinë franceze për të rindërtuar me to gjithçka që ka ndodhur”.

“Këtë mëngjes, unë dhe e fejuara ime u desh të largoheshim nga banesa për të lejuar kryerjen e hetimeve dhe ne qëndruam përkohësisht në një hotel”.

🇮🇹 Gigio Donnarumma : « J'ai été immobilisé et Alessia a été obligée de livrer tout ce que nous avions de précieux. Je ne peux pas entrer trop dans les détails, il y a des enquêtes en cours et je vais maintenant à la police française pour essayer de reconstruire avec eux tout ce… pic.twitter.com/TpOivLj7Hb

— Media Parisien (@MediaParisien) July 22, 2023

Portieri i PSG-së dhe Italisë më pas nënvizoi se sa i frikësuar dhe i pafuqishëm ndihej.

“Frika ishte aq e madhe, por edhe më shumë ishte se diçka mund të ndodhte me Alessian. Isha i pafuqishëm, i lidhur, nuk mund të bëja asgjë”.

“Atëherë unë nuk flas aq mirë frëngjisht dhe ishte e vështirë t’u shpjegoja atyre njerëzve se ku ishte gjithçka”.

Lexo po ashtu Tetë lojtarët e PSG-së që janë grabitur në Paris ndërsa Donnarumma është viktima e fundit

“Dhe ishte Alessia, ende e frikësuar edhe sot e kësaj dite, me ta. Momente vërtet të thella terrori, veçanërisht frikë për të. Frika se mos mund ta lëndojnë atë”, përfundoi portieri italian.

Donnarumma iu bashkua PSG-së në korrik të vitit 2021 pasi u largua nga Milani si lojtar i lirë, duke nënshkruar një kontratë pesëvjeçare me gjigantët e Ligue 1.

Që nga ardhja e tij, ai ka bërë 72 paraqitje në të gjitha garat, duke mbajtur 23 portën e paprekur dhe duke pranuar 75 gola. Ai ka bërë edhe 54 paraqitje për kombëtaren italiane. /Telegrafi/