Moderatorja Roza Lati fton në emision nënën e saj, këto janë fjalët prekëse që ia dedikon (Foto)

Moderatorja e njohur Roza Lati, tash e një kohë udhëheq emisionin e saj shumë të pëlqyer nga publiku “Hangover”, i cili transmetohet në televizion dhe radio.

Ajo është e njohur për karakterin e saj karizmatik, teksa çdo herë dhuron spektakël me mysafirët e ndryshëm që fton në studio.

Së fundmi, e ftuara e radhës në emisionin e saj ka qenë shumë speciale, pasi për herë të parë studion e “Hangover” u gjend aktorja e madhe Rita Lati, njëherit nëna e moderatores.

Aktorja Rita Lati është e njohur për humorin e saj që ka sjell ndër vite nëpër shfaqje apo videokaseta të ndryshme, teksa të njejtën energji ajo e transmetoi sot bashkë me të bijën në studio.

Kjo e fundit ka publikuar një fotografi në llogarinë personale në Instagram, ku shfaqet krah nënës, teksa në status i ka dedikuar disa fjalë të sinqerta asaj,

“Je gjithçka unë kam! Je artiste në shpirt dhe në skenë… Një nënë e mrekullueshme… Një mikeshë e pazëvëndësueshme që çdo vajzë e ëndërron! Faleminderit që më rrite në këtë liri.. të kuptoja botën e vërtetë ashtu siç është… të merrja vendime me vullnetin tim të lirë duke i dhënë mundësi vetes time ta njoh më mirë… por që ti… je gjithnjë aty… ëngjëlli im mbrojtës… që më ruan në çdo hap… Rita ime bota ime! Që zbukurove sot Hangover!”, shkruan Roza në Instagram. /Telegrafi/

https://www.instagram.com/p/BPfAXujjB8z