Model i ri i Konkursit vjetor për projekte nga sfera e kulturës në Maqedoni

Ministria e Kulturës sot në ueb faqen e saj do të shpallë Konkursin për Programin vjetor për projekte me interes kombëtar në kulturë për vitin 2018, që është ridizajnuar dhe i përshtatur me strategjinë e re për zhvillim kulturor, përcjell Telegrafi Maqedoni.

“Dokumentet për konkurse me vite të tëra nuk janë ndryshuar, opinioni publik vazhdimisht kishte vërejtje dhe mendojmë se modeli që tash e ofrojmë do të përmbushë kërkesat e tyre. Kjo do të sjellë përfshirje më të madhe dhe mundësi më të mëdha për të gjithë veprimtarët në sferën e kulturës, të sigurojmë kulturë për të gjithë, qasje e barabartë dhe e deventralizuar që do t’i tregojë vlerat e vërteta të kulturës bashkëkohore”, tha ministri i kulturës , Robert Allagjozovski.

Allagjozovski tha se meqë kjo thirrje për Program vjetor shpallet tani, ndërsa duhet të përfshijë projekte deri në fund të vitit, me siguri do të plotësohet edhe me një konkurs tjetër që do të jetë i hapur gjatë tërë vitit, me të ashtuquajturat ad-hok thirrje për të gjithë ata që kanë projekte më urgjente që të mund të reagojnë dhe shtoi se do të vendoset edhe sistemin e ri për lëvzije të artistëve dhe punonjësve të kulturës për udhëtime jashtë vendit për koferenca dhe takime./Telegrafi/