Mjekët shpëtojnë foshnjën 7 muajshe nga barku i palestinezes së vdekur, shtëpia e tyre u bombardua nga izraelitët në Rafah

Palestinezja Sabreen ishte e vdekur dhe as që arriti të sheh sytë foshnjës së saj apo ta mbajë në kraharor, shkruan BBC.

Kjo nënë e re po mbante në bark foshnjën shtatë muajshe e gjysmë, transmeton Telegrafi.

Ajo kishte ditë dhe net që i kalonte në frikë, por shpresonte se familja e saj do të ketë fat dhe të mbijetojë derisa të përfundojë lufta.

Ky fat nuk u shfaq fare kur ndodhi shpërthimi në mesnatën e 20 prillit. Izraelitët hodhën bombën në shtëpinë e familjes al-Sakani në Rafah, ku Sabreen, së bashku me bashkëshortin dhe vajzën e tyre 3-vjeçare Malak ishin në gjumë.

Sabreen pësoi lëndime që ia morën jetën, kurse bashkëshorti i saj dhe Malak mbetën të vrarë në vend – e foshnjën që e kishte akoma në bark ishte ende e gjallë kur arritën në vendin e ngjarjes ekipet e shpëtimit.

Ata e dërguan me urgjencë në spital Sabreen, ku mjekët me prerje cezariane sollën në jetë foshnjën. Mjekët i bënë masazh në gjoks foshnjës që stimulon frymëmarrjen.

“Ajo lindi në kushte të rënda”, tha Dr Mohammed Salama, kreu i repartit në spitalin në Rafah.

Foshnja erdhi në jetë 1.4 kilogramë dhe i mbijetoi më të keqes. /Telegrafi/