Ministri ukrainas i Mbrojtjes iu bën thirrje ushtarëve rusë të lëshojnë armët: Presidenti ynë është me ushtrinë e tij, ku është i juaji?

Ministri i Mbrojtjes i Ukrainës, Oleksii Reznikov, publikoi një video në të cilin ai iu kërkon trupave ruse të vijës së parë të lëshojnë armët dhe iu premton atyre që e bëjnë këtë “jetë, siguri dhe drejtësi”.

Në videon e postuar në YouTube të premten, Reznikov foli në rusisht dhe paralajmëroi se “mijëra djem rusë do të vdesin” derisa forcat e Moskës vazhdojnë të pësojnë humbje.

“Parashutistët tuaj tani po vdesin në bregun e djathtë të Dnipros”, tha ai. “Ju paguani me gjak për fantazitë dhe qëllimet e rreme të dikujt”.

Ndërsa luftëtarët ukrainas përparojnë në rajonin jugor të Khersonit, Kievi ka pohuar se njësitë ruse kanë pësuar humbje dhe po përpiqen të evakuojnë të plagosurit e tyre përtej lumit Dnipro.

Çfarë thotë Moska? – Presidenti rus Vladimir Putin ka pretenduar në mënyrë të rreme se një nga arsyet pse Rusia pushtoi Ukrainën ishte ndalimi i një gjenocidi që po kryhej kundër rusisht-folësve.

“Ju e dini që në Ukrainë nuk po çlironi askënd”, tha Reznikov, duke pretenduar se forcat e armatosura ruse u “mashtruan dhe u tradhtuan” kur u dërguan në Ukrainë në shkurt. “Shumë prej jush e kanë kuptuar tashmë se nuk jeni dërguar të vdisni për një kauzë të drejtë. Ndoshta kjo është arsyeja pse [Presidenti] juaj fshihet në një bunker dhe nuk godet me grusht pranë jush. Ai ka frikë nga mprehtësia juaj, përbuzja dhe zemërimi juaj i justifikuar”.

Reznikov e krahasoi Putinin me Presidentin ukrainas, Volodymyr Zelensky – i cili është fotografuar me trupat e vendit të tij në vijën e frontit. “Presidenti ynë është me ushtrinë e tij. Ku është i juaji?”, ai pyeti. /Telegrafi/