LAJMI I FUNDIT:

Ministrat e BE-së pajtohen për sanksione kundër Bjellorusisë

Ministrat e BE-së pajtohen për sanksione kundër Bjellorusisë

Ministrat e Jashtëm të Bashkimit Evropian kanë thënë gjatë një takimi të premten në Berlin se janë pajtuar për të vendosur sanksione ndaj 20 zyrtarëve të lartë bjellorusë, të cilët dyshohet se janë të përfshirë në mashtrimet zgjedhore dhe shtypjen brutale të policisë kundër protestuesve, prej mbajtjes së zgjedhjeve presidenciale të 9 gushtit.

Ministrat e BE-së kanë thënë se presidenti bjellorus, Alyaksandr Lukashenka mund të përfshihet shpejt në listën e të sanksionuarve.

Ndërkohë, Organizata për Siguri dhe Bashkëpunim në Evropë (OSCE) ka ofruar mundësinë e ndërmjetësimit në mes të qeverisë së Lukashenkas dhe liderëve opozitarë, të cilët kanë ngritur akuza se mashtrimet zgjedhore janë bërë në të mirë të Lukashenkas.


Kryeministri i Shqiprisë, njëherësh ministër i Jashtëm i këtij shteti, Edi Rama, i cili është në krye të OSCE-së, u ka thënë delegatëve gjatë një takimi në Vjenë se kjo Organizatë nuk duhet të ndërhyjë “në çështje të brendshme”.

Megjithatë, ai ka shtuar se duhet të përfundojë abuzimi me të drejta të njeriut.

Kryetarja në ardhje e OSCE-së, ministrja e Jashtme suedeze, Ann Linde, ka thënë se mund të vizitojë qeverinë bjelloruse në të mirë të hapjes së një dialogu konstruktiv në këtë shtet.

Vendimet e BE-së dhe OSCE-së janë pjesë e përpjekjeve ndërkombëtare për të ndihmuar në zgjidhjen e krizës politike në Bjellorusi, pas gati tri javëve të protestave, përmes së cilave po sfidohen rezultat zyrtare të zgjedhjeve presidenciale.

Në to, Lukashenka ka fituar mbi 80 për qind të votave.

Miratimi i sanksioneve nga ana e ministrave të BE-së mundëson miratimin e tyre zyrtar nga blloku evropian.

Ndërkohë Lukashenka është zotuar se do të përgjigjet duke vënë sanksione kundër dy shteteve fqinje, vende anëtare të BE-së, Polonisë dhe Lituanisë.

Lukashenka ka akuzuar perëndimin për nisje të “luftës diplomatike” kundër Bjellorusë, duke pretenduar se fuqitë perëndimore janë duke synuar të krijojnë jostabilitet në shtetin e tij dhe t’ia aneksojnë territorin. /REL/

Në trend Botë

Më shumë
Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Turqia
Ukraina refuzon marrëveshjen e SHBA-së për mineralet e rralla: Nuk i mbron interesat tona

Ukraina refuzon marrëveshjen e SHBA-së për mineralet e rralla: Nuk i mbron interesat tona

Botë
Paralajmëron Netanyahu: Me ndihmën e Trumpit, do ta përfundojmë punën me Iranin

Paralajmëron Netanyahu: Me ndihmën e Trumpit, do ta përfundojmë punën me Iranin

Azia
Departamenti amerikan i Shtetit heq nga ueb-faqja deklaratën se nuk e mbështet pavarësinë e Tajvanit

Departamenti amerikan i Shtetit heq nga ueb-faqja deklaratën se nuk e mbështet pavarësinë e Tajvanit

Amerika
Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Botë
Duhet bërë diçka të ngjashme si në Kosovë, thotë presidenti finlandez për Ukrainën

Duhet bërë diçka të ngjashme si në Kosovë, thotë presidenti finlandez për Ukrainën

Evropa
Kalo në kategori