Ndërsa ngjarja më e përfolur e momentit “Grammy Awards 2020” nuk kishte mungesë të fytyrave të famshme, një personazh i rëndësishëm i industrisë së muzikës, Miley Cyrus, u vëre dukshëm mungesa e saj në turmën e të ftuarve.
Dhe pse shumica e njerëzve fillimisht menduan se ajo vendosi të hiqte dorë nga ceremonia e këtij viti - veçanërisht duke parë se si ajo nuk ishte e nominuar, duke performuar apo prezantuar - tani duket sikur nuk mund të jetë kështu. Në fakt, Cyrus tani duket se po thotë se ajo nuk ishte e ftuar fare.
Të hënën pasdite, ylli u tall me një postim në Instagram, duke rrëmbyer vëmendjen me mbishkrimin që i bëri fotografisë, shkruan Paper Magazine.
“....dhe brengosemi se pse nuk më ftojnë më në spektaklet e ndarjeve të çmimeve”, shkroi Miley Cyrus përbri një videoje ku ajo shihet duke ndezur atmosferën në spektaklin e madh të ndarjes së çmimeve, MTV EMA 2013.
Miley Cyrus përndryshe ka qenë e nominuar më parë, por asnjëherë nuk është shpërblyer me një çmim ‘Grammy’. /Telegrafi/
