Milani po punon për rinovimin e kontratës së Giroud

Milani është duke u bërë gati për një takim me përfaqësuesit e Olivier Giroud, pasi po punojnë për të konfirmuar rinovimin e kontratës së tij.

Sulmuesi francez 36-vjeçar ka qenë një lojtar kyç për Stefano Pioli që nga ardhja e tij vitin e kaluar, duke shënuar 11 gola në 29 paraqitje në Serie A në sezonin e tij debutues, ndërsa skuadra fitoi Scudetton e tyre të parë në më shumë se një dekadë.

Giroud ka qenë po aq i rëndësishëm këtë sezon, duke shënuar nëntë gola në 19 ndeshje në të gjitha garat.

Siç raportohet nga TMË, Milani do të takohet me agjentët e Giroud në javën e parë të muajit të ardhshëm për të konfirmuar detajet përfundimtare të rinovimit të kontratës së francezit.

Atij do t’i ofrohet një zgjatje për një vit, duke e lidhur atë me klubin deri në vitin 2024, me pagë 3.2 milionë euro neto në sezon plus shtesa.

36-vjeçari u bë golashënuesi më i mirë i të gjitha kohërave të Francës gjatë Kupës së Botës, duke kaluar Thierry Henry me 53 golat e tij në 120 paraqitje.

Ai ka shënuar katër herë në Katar. /Telegrafi/