Milani e nis me fitore, triumfon ndaj Salernitanas

Milani e ka nisur me fitore rikthimin në kampionatin italian duke e mposhtur Salernitanan në Stadio Arechi me rezultat 2-1.

Rossonerët e filluan furishëm gjysmën e parë të sfidës së vlefshme për xhiron e 16-të në Serie A me dy gola të shpejtë.

Sandro Tonali dhuroi një asistim të mrekullueshëm drejt Rafael Leaos, i cili e kaloi edhe portierin dhe e realizoi golin e parë (10’).

Pas asistimit, Tonali u regjistrua edhe në listën e golashënuesve duke realizuar në tentativën e dytë (15’). Asistues ishte Brahim Diaz.

Të njëpasnjëshme ishin rastet e mysafirëve edhe në minutat në vazhdim, të cilat patën mundësi shumë të mira shënimi, sidomos përmes Brahim Diaz e Olivier Giroud, porse shkuan në pushim me dy gola epërsi.

Fraksioni i dytë ishte më i qetë në krahasim me pjesën e parë, megjithëse mundësitë nuk munguan. Brahim Diaz e devijoi një top që përfundoi në gol, megjithatë më pas u anulua për pozitë jashtë loje pas konsultimit të VAR-it.

Dhe derisa vizitorët nuk i konvertonin rastet e tyre, vendasit e bënë dramatik fundit duke e ngushtuar rezultatin me golin e Federico Bonazzolit (83’), edhe pse luan me një lojtar më pak në fushë – pas përjashtimit të Domagoj Bradaric me karton të kuq (75’).

Pas kësaj fitoreje, Milani e ka ngushtuar në pesë pikë diferencën me Napolin, mirëpo lideri do ta zhvillojë më vonë sfidën kundër Interit. /Telegrafi/

Ochoa conceded two goals in 15 minutes on his @SerieA debut as Rafael Leao scores the first #SerieA goal of 2023.@socios @acmilan ⚽️🇮🇹 $ACM 🔴⚫️ Fan Token ⚡️ Powered by @Chiliz Blockchain $CHZ 🌶️#BeMoreThanAFan #ACMilan #SerieA #SalernitanaMilan https://t.co/Dtpd6DjZJJ pic.twitter.com/t5FOZ592VX

— Chiliz Africa 🌶️ ($CHZ) (@ChilizAfrica) January 4, 2023

GOAL!

Salernitana 0-2 Milan

Sandro Tonali doubles Milan’s lead.#SalernitanaMilan #SerieA https://t.co/aPo6rsXSMD

— H/F (@hfworld_) January 4, 2023