Milan fiton me rezultat minimal ndaj Fiorentinës në “San Siro”

Milan ka fituar me rezultat minimal 1-0 ndaj Fiorentinës në sfidën që u zhvillua në kuadër të javës së 13-të në Serie A.

Fillimi i ndeshjes ishte mjaft i qetë pa ndonjë rast shënimi për ndonjërën skuadër me të dyja palët që po mbyllnin mirë hapësirat në mbrojtje në pritje të ndonjë gabimi eventual të njëra-tjetrës.

Goli i vetëm në këtë takim dhe ai i fitores për Milanin erdhi në minutat shtesë të pjesës së dytë, thënë më saktë në minutën e 47-të ku autor i golit ishte Theo Hernandez që shënoi për rezultatin 1-0.

Milan pati mundësinë për të dyfishuar epërsinë në minutën e 74-të por goditjen e Jovic e ndali mrekullisht portieri mysafir, Pietro Terraciano.

🫶 pic.twitter.com/dpbAQXKvHC

— AC Milan (@acmilan) November 25, 2023

Trajneri i mysafirëve, Vincenzo Italiano u mundua që përmes zëvendësimeve të ndryshojë rrjedhën e lojës, por pa sukses.

Deri në fishkëllimën e fundit të gjyqtarit nuk pati ndonjë rast të mirë shënimi dhe Milani u rikthye tek fitoret pas barazimit me Leccen xhiron e kaluar.

Me këto tri pikë “Rossonerët” tani gjejnë veten në pozitën e tretë në renditjen tabelare me 26 pikë të grumbulluara, pesë më pak se lideri Interi që nesër luan derbin ndaj Juventusit./Telegrafi/