Mexhiti: Brenda 6 muajve do të bashkohen klinikat, nuk do të ketë 66 drejtor dhe 33 këshilla drejtues

Deri në fund të muajit maj apo qershor të vitit 2024 do të përfundojë procesi i bashkimit të Qendrës Klinike “Nënë Tereza” në Shkup, me të cilin nuk do të ekzistojnë më funksionet e 33 drejtorëve ekonomikë, ka deklaruar sot ministri i Shëndetësisë Fatmir Mexhiti.

“Deri në fund të majit ose qershorit 2024, 33 borde drejtuese, 33 drejtorë organizativë dhe 33 drejtorë mjekësorë nuk do të ekzistojnë më. Nuk do të ketë as shërbime të zakonshme që shpenzojnë 20 milionë euro në vit. Qendra klinike do të bashkohet dhe ne nuk do ta lejojmë më këtë gjendje shëndetësore. Plani po zbatohet sipas dinamikës së përcaktuar”, tha ministri i Shëndetësisë, Mexhiti.

Mexhiti në pyetjen e gazetarëve lidhur me premtimin se do të punësohen të gjithë ata me kontratë me afat të caktuar, por edhe për faktin se u përfundon kontrata e punës, theksoi se si anëtar i Qeverisë dhe Ministër i Shëndetësisë, në seancën e nesërme të qeverisë do të ngrejë çështje të pakompromis, se çfarë do të ndodhë me ata që tashmë janë me kontratë të caktuar nga kjo qeveri diku gjashtë vite me kontratë në vepër.

“Do ta kritikoj Ministrinë e Financave, gjashtë, shtatë muaj kam negociuar me ministrin e Financave, më pas kryeministri më emëroi mua, poashtu ministrin për financa dhe Fondin e sigurimeve shëndetësore të Republikës së Maqedonisë së Veriut. Kemi bërë grupe, kemi punuar për të njëjtën, vërtet që kam punuar shumë dhe nuk e di pse nuk po ndodh kjo. Edhe nesër, si anëtar i Qeverisë, si Ministër i Shëndetësisë, në mënyrë shumë dinamike dhe pa kompromis do ta ngre këtë çështje se çfarë do të ndodhë me ata që tashmë janë në kontratë të caktuar nga kjo qeveri, diku katër, pesë apo gjashtë vite me kontratat në vepër”, tha Mexhiti.

Mexhiti i pyetur nëse pas zgjedhjeve do të ketë një qeveri të re që nuk do ta vazhdojë planin e bashkimit të klinikës tha se e njejta qeveri do të mbetet edhe pas zgjedhjeve./SHENJA/