Britanikët kanë mbetur të mahnitur pasi kanë parë atë që besohet të jetë një 'meteor' që shkëlqen në qiellin e natës.
Vëzhguesit me fat të yjeve në Northfields dhe Ealing, në perëndim të Londrës, kanë raportuar se kanë parë një dritë të kaltër në qiell të martën, transmeton Telegrafi.
Një dëshmitar përshkroi se pa 'vijën' e dritës që përshkoi retë rreth orës 8:10 të mbrëmjes deri në 8:30 të mbrëmjes dhe fillimisht besoi se ishin fishekzjarre.
'Jam mësuar të shoh aeroplanë që vijnë e shkojnë në Heathroë, dhe gjithashtu helikopterë që vijnë e shkojnë; kjo nuk ishte ajo', shkruan ata në Reddit.
'Mendimi im tjetër ishte fishekzjarre, por jam 90% i sigurt se nuk ishte ajo, dhe nuk pati shpërthim’, tha një tjetër.
Ende nuk është konfirmuar se çfarë ishte 'vija' shumëngjyrëshe në qiellin e së martës, megjithatë, Daily Mail i është drejtuar Zyrës Meteorologjike për koment.
Kjo vjen pasi më herët këtë javë Jessica Lee, një astronome në Observatorin Mbretëror Greenëich, tha gjithashtu se vëzhguesit e qiellit mund të prisnin shiun e meteorëve Draconid sot.
Por, shiu i meteorëve, i cili pritet të arrijë kulmin të mërkurën në mbrëmje, mund të jetë i vështirë për t'u parë për shkak të dritës së hënës, paralajmëroi Lee.
'Shiu i meteorëve Draconid është emëruar sipas yjësisë së dragoit Draco', shtoi Lee. /Telegrafi/
