Ministria e Arsimit dhe Sportit thotë se video që shfaq një mësuese të teologjisë në Medresenë e Shkodrës është filmuar në vitin 2015.
Në një reagim për rastin e publikuar në emisionin “STOP” ku mësuesja 39-vjeçare Emine Alushi, tashmë e arrestuar, bën propagandë pro ISIS, ministrja Lindita Nikolla thotë se: Alushi në atë kohë ka qenë aktivizuar si mësuese me kohë të pjesshme në shkollën jopublike “Haxhi Sheh Shamia” (Medreseja) – Shkodër. Sipas ministrisë, gjatë këtij viti shkollor mësuesja Alushi nuk ka qenë më në këtë detyrë.
Reagimi i Ministrisë së Arsimit:
Në datën 18 Janar 2017, në emisionin televiziv “Stop” – TV Klan, u publikua një video regjistrim, përmbajtja e së cilit lidhet me deklaratat propagandistike pro ISIS, të një mësueseje, gjatë një ore mësimi, në shkollën jopublike “Haxhi Sheh Shamia” (Medreseja) – Shkodër.
Ministria e Arsimit dhe Sportit (MAS), bazuar në të dhënat që siguroi për rastin, informon si vijon:
Opinionet janë shprehura nga znj. Emine Alushi, gjatë një orë mësimi, në vitin 2015, kohë kur ajo ka qenë aktivizuar si mësuese me kohë të pjesshme në atë institucion arsimor. Znj. Alushi nuk e ka ushtruar më detyrën e mësueses gjatë vitit shkollor aktual.
MAS e dënon më forcë rastin dhe e konsideron të papranueshëm këtë përpjekje radikale për të përhapur pikëpamje ekstremiste gjatë një ore mësimore si dhe kërkon nga organet kompetente marrjen e masave të plota për të verifikuar të gjitha rrethanat që qëndrojnë prapa tij. Shkollat tona kanë qenë, janë dhe do të mbeten institucione që kultivojnë vlera të larta demokratike dhe atdhetare tek brezi i ri i vendit, duke refuzuar çfarëdo përpjekjeje për radikalizëm apo ekstremizëm.
MAS-i dhe agjencitë vartëse të saj kanë monitoruar dhe vlerësuar vijimisht procesin mësimor – edukativ dhe rezultatet e tij, në të gjitha institucionet arsimore.
Ndonëse MAS e konsideron si të shkëputur rastin në fjalë, garantohet opinioni publik se do të merren hapa të plotë për të verifikuar dhe analizuar gjendjen dhe për të marrë të gjitha masat e duhura që në bashkëpunim me prindërit dhe të gjithë shoqërinë, të ruhet hapësira shkollore nga radikalizmi, dhuna dhe ekstremizmi.
Promo
Reklamo këtu
Nga Bau Market
Nga Melodia Px
Nga Viva Fresh Store
Nga Shkolla Finlandeze
Lufta Prigozhin - Putin
Më shumë
Nga Rubrika
Nuk ka marrëveshje për pagën minimale, shporta konsumatore do të llogaritet ndryshe
Kallas: Normalizimi i plotë i marrëdhënieve është e vetmja rrugë për Kosovën dhe Serbinë të shkojnë drejt BE-së
Blerim Bexheti: Nënshtrimi i shqiptarëve në institucionet publike po vazhdon
Qindra qytetarë po marrin pjesë në ceremoninë e varrimit të tre të rinjve në Jabllanicë
Serbët për zgjedhjet në Kosovë: “E rëndësishme ta kemi dikë që lufton për ne”
Moti për pesë ditët e ardhshme
Aksident në Qafën e Qarrit, drejtuesi shpëton për mrekulli pasi makina mbetet varur në barrierën mbrojtëse
Incidenti i radhës në Skenderaj, digjet me benzinë posteri i Albin Kurtit
Vendosën posterët në stacionet e autobusëve në kryeqytet – LDK gjobitet me 12 mijë euro
