“Mesazhi në këtë klub është se ne duhet të fitojmë gjithçka” – Mbappe i do të gjithë trofetë me Real Madridin

Kylian Mbappe është i vendosur ta mbyllë sezonin e tij debutues në Real Madrid me një trofe, ku në deklaratën e fundit ai ka thënë se do të luftojnë për gjithçka.

Los Blancos janë rikthyer në vendin e parë në renditjen e La Ligës pas një fitoreje me rezultat 2-1 si mysafir kundër Valencias.

Lojërat e ardhshme paraqesin një udhëtim në Copa del Rey në Deportiva Minera dhe një fluturim për në Arabinë Saudite për Superkupën e Spanjës.

Mbappe është këndellur së fundmi, pas një fillimi të goditur nga dëmtimet në kryeqytet, me 10 gola të shënuar në La Liga, ku tani ai po pret me padurim një ecuri të fortë.

“Ekipi dhe unë jemi në një moment të mirë. E nisëm mirë vitin me një ndeshje të vështirë, të cilën e fituam në fund dhe tani po shkojmë në gara të ndryshme”.

“Shpresojmë të vazhdojmë të fitojmë dhe të luajmë mirë. Ka shumë ndeshje, por mesazhi në këtë klub është se ne duhet të fitojmë gjithçka”, deklaroi Mbappe.

Mbappe pritet të pushohet për ndeshjen e Kupës së Mbretit, përpara një udhëtimi në Jeddah, për t’u përballur me Mallorca në gjysmëfinalen e Superkupës më 9 janar.

🏆 @KMbappe
✨ #JugadorCincoEstrellas · Diciembre
⚽ @futbolmahou pic.twitter.com/jrUB1VBQ1v

— Real Madrid C.F. (@realmadrid) January 5, 2025

Real Madrid ka gjithashtu dy ndeshje të Ligës së Kampionëve për të përfunduar janarin, kundër RB Salzburg dhe Stade Brest, me kampionët në fuqi aktualisht katër pikë larg vendeve kualifikuese të fazës së eliminimit automatik. /Telegrafi/