“Mendoj se jam një lojtar mjaft i kompletuar”, Casado i thurë lëvdata vetes

Marc Casado bëri fillimin e tij të parë për Spanjën në ndeshjen e tyre kundër Zvicrës, duke fituar vlerësime pozitive për performancën e tij të spikatur.

Paraqitja e të riut ka impresionuar jo vetëm menaxherin e tij, por edhe shokët e skuadrës dhe tifozët, duke theksuar më tej cilësinë e tij.

Forma e Casados ​​nën Hansi Flick te Barcelona ka qenë e jashtëzakonshme, duke treguar se ngritja e tij nuk është rastësi.

Lexo po ashtu E kishte nën urdhra te La Masia, legjenda e Barcelonës me fjalë të mëdha për Marc Casadon: Ai është një lider

Mesfushori është bërë shpejt një pjesë kyçe e organizimit të mesfushës mbrojtëse të Barcelonës, duke ofruar prezencë solide në dyshen e mesfushës.

Në një intervistë me mediumin 3Cat, Casado ndau mendimet e tij për zhvillimin e tij.

“Mendoj se jam një lojtar mjaft i kompletuar, por në një klub si Barcelona, ​​ka lojtarë që bëjnë gjëra vërtet të mrekullueshme me topin”, ka thënë fillimisht Casado.

“Unë përpiqem të dal pak më shumë dhe të ofroj diçka shtesë sepse në këtë klub nuk gjen aq shumë. Këtu gjen lojtarë të mëdhenj me topin dhe kjo është ajo që bie më shumë në lojën time”, përfundoi spanjolli. /Telegrafi/