Meksika ka të ngjarë të ketë presidentin e parë grua në vitin 2024

Partia në pushtet e Meksikës emëroi të mërkurën ish-kryetaren e Mexico City, Claudia Sheinbaum, si kandidate për zgjedhjet presidenciale të vitit 2024.

Sheinbaum, një shkencëtare 61-vjeçare, do të përballet me Xochitl Galvez, një biznesmene dhe senatore me rrënjë indigjene, e zgjedhur për të përfaqësuar një koalicion opozitar, Fronti i Gjerë për Meksikën.

Të dyja gratë kanë tanimë do të jenë pjesë e fushatave të tyre në një komb që kërkon “të shkundë” një traditë machismo – ose seksizmi, shkruajnë mediat e huaja, përcjell Telegrafi.

Partia presidentit Andres Manuel Lopez Obrador njoftoi se Sheinbaum kishte fituar një garë të brendshme për të kandiduar në zgjedhjet e qershorit 2024, duke mposhtur rivalët, përfshirë ish-ministrin e jashtëm Marcelo Ebrard.

Sheinbaum është një mbështetës i vendosur dhe i besuar i Lopez Obrador, një populist i majtë që gëzon një vlerësim prej më shumë se 60 për qind, por që kushtetuta i kërkon të largohet nga detyra pas një mandati të vetëm gjashtëvjeçar.

“Vajzat shohin një shembull tek unë”, tha Sheinbaum për revistën Gatopardo.

“Të jesh presidentja e parë grua do të ishte historike në vendin tonë”, shtoi ajo.

Ndërsa hyrja e Galvez-it, e lindur nga një baba indigjen Otomi dhe nënë me raca të përziera, ka tronditur tashmë garën presidenciale.

Emri i saj i parë do të thotë “lule” në gjuhën indigjene Nahuatl dhe prejardhja e saj e dallon atë nga opozita tradicionale konservatore.

Ajo vesh rroba indigjene dhe është e njohur për udhëtimet nëpër Mexico City me biçikletë.

Koalicioni i opozitës përbëhet nga Partia Revolucionare Institucionale – e cila drejtoi vendin për më shumë se 70 vjet deri në vitin 2000 – Partia Konservatore e Veprimit Kombëtar dhe Partia e majtë e Revolucionit Demokratik.

Megjithatë, ajo përballet me një betejë të vështirë duke pasur parasysh popullaritetin e “Morena-s”.

Në një sondazh të publikuar më 28 gusht nga gazeta Reforma, 46 për qind e të anketuarve thanë se do të votonin për Sheinbau, krahasuar me 31 për qind për Galvez. /Telegrafi/