Megjithatë Verratti mbetet te PSG

Italiani Marco Verratti ka rënë dakord të qëndrojë në Paris Saint-Germain për sezonin e 12- të, raporton L’Equipe, pavarësisht ofertave nga Al-Ahli dhe Al-Hilal.

Mesfushori ishte gati të largohej për një kapitull të ri të karrierës së tij në Ligën Saudite Pro, duke rënë dakord për kushtet personale me Al-Hilal.

Interesim ka pasur edhe nga Al-Ahli, por asnjëri prej tyre nuk ka qenë i gatshëm të përmbushë çmimin e kërkuar të PSG-së prej rreth 70 milionë euro.

Lexo po ashtu Kërkesat e mëdha nga Arabia, PSG dyfishon çmimin e Marco Verrattit

Verratti vetëm kohët e fundit nënshkroi një kontratë të re me gjigantët e Ligue 1 që do të zgjasë deri në qershor 2026.

U raportua se ai nuk ishte i kënaqur me qasjen e marrë nga trajneri i ri Luis Enrique, por këtë mbrëmje L’Equipe bën të ditur se ka pasur bisedime për krizën dhe situata është zbutur.

Prandaj, 30-vjeçari është i kënaqur të qëndrojë për një sezon të 12-të radhazi në Paris, pasi u bashkua nga Pescara në 2012.

Ky mund të jetë gjithashtu një lajm i mirë për trajnerin e Italisë, Roberto Mancini, i cili përndryshe mund të kishte parë një nga lojtarët e tij kyç të mesfushës të transferohej në Ligën Pro Saudite. /Telegrafi/