Meghan Markle dhe Princi Harry dëshirojnë të jetojnë në Kaliforni, ish-aktores po i mungon jeta hollivudiane

Ish-aktorja ka ngjallur spekulime dhe reagime të ndara në mbarë botën për sjelljen e saj dhe në media janë shfaqur informacione se Meghan Markle dhe Princi Harry planifikojnë të transferohen në Amerikë.

Edmund Fry, një mik i gjatë i çiftit të Princit, tha se dyshja ishin të vendosur të largoheshin nga oborri mbretëror me familjen e tyre të ardhshme.

Konkretisht, sipas Edmund, Megan dhe Harry po shikojnë pasuri të paluajtshme në Malibu, Kalifornia.

Qyteti është një tërheqje e madhe turistike dhe shumë yje të Hollivudit kanë një shtëpi atje, kështu që në lagjen e Princit dhe Dukeshës ju mund të gjeni Leonardo DiCaprion, Kim Kardashianin dhe të tjerë të famshëm.

“Megan dhe Harry janë në kërkim të një shtëpie. Kam dëgjuar se janë të interesuar të jetojnë në Malibu. Duke e njohur Megan, dhe përmes bisedave me të, kam kuptuar se asaj po i mungon shtëpia. Meghan është një vajzë e lindur në Los Angeles, është rritur atje dhe i ka të gjithë miqtë. Është e pamundur të jetosh këtu pa stres dhe publicitet të madh”, tha Edmund për Daily Express.

Ndryshe, kohët e fundit çifti mbretëror kanë hasur në kritika publike për shpenzimet që përfshinin tre milionë euro për të rinovuar shtëpinë në Windsor. /Telegrafi/