McTominay me mesazh për Van de Beekun pas startit të dobët te United

Scott McTominay ka mbështetur Donny van de Beekun në startin e tij të dobët te Manchester United.

Mesfushori holandez u transferua te Djajtë e Kuq nga Ajaxi në afatin kalimtar të kësaj vere për 40 milionë euro, mirëpo në ndeshjet e fundit nuk ka fituar shumë minuta.

Van de Beek ka startuar te United vetëm në ndeshjet e Carabao Cup, derisa në Ligën Premier ende nuk e ka shijuar një gjë të tillë.

McTominay ka thënë se mesfushori është një lojtar shumë i talentuar dhe do të ketë kohë për të dëshmuar se çfarë mund të bëjë.

“Ju e shikoni mënyrën se si vije Donny në stërvitje çdo ditë, një buzëqeshje të madhe në fytyrën e tij, pret të punon shumë, dëshiron të tregojë çdo ditë çfarë mund të bëjë”, ka thënë anëtari i klubit anglez.

“Ai është një lojtar me vet besim të madh dhe e di se koha e tij më e mirë do të vije, pasi është një lojtar shumë cilësor dhe për këtë nuk ka dyshime”.

Lexo po ashtu Van de Beekut i thuhet nga Van Basten se ka gabuar me kalimin e tij te Manchester United

“E ndjej se Donny nuk duhet të ketë panik dhe nuk duhet të shikojë se çfarë thuhet në media apo nga ndokush tjetër”, ka shtuar më tej McTominay.

Van de Beek cilësohet si një lojtar shumë i mençur dhe që studion mjaftë mirë lojën e kundërshtarit, duke krijuar më shumë hapësirë për bashkëlojtarë në sulm. /Telegrafi/