Së bashku me 20 shoqërueset e haremit, mbreti i Tajlandës është vetizoluar nga coronavirusi, në një hotel në Gjermani.
I njohur si Rama X, mbreti i Tajlandës Maha Vajiralongkorn e ka rezervuar në tërësi Grand Hotel Sonnenbichl, në mënyrë që të jetë i sigurt gjatë kohës së pandemisë, transmeton Telegrafi.
Mediumi gjerman Bild, ka bërë të ditur se 67-vjeçari e bllokoi vetëm për vete hotelin që ndodhet në Bavari, pasi kishte marrë një leje nga këshilli lokal.
Nuk dihet nëse së bashku me Rama X, është edhe bashkëshortja e tij, apo ajo është kthyer në Tajlandë me 119 pjesëtarë të stafit, që janë diagnostikuar me coronavirus.
Hoteli në Gjermani, ku është duke qëndruar mbreti tajlandez
Për mbretin tajlandez, Gjermania është një shtëpi e dytë, ku kalon një kohë shumë të gjatë, ndërsa që nga muaji shkurt, nuk e ka dhënë asnjë deklaratë nga mbretëria të cilën e udhëheqë.
Deri më tani, është raportuar se mbreti i Malajzisë dhe bashkëshortja tij janë kontrolluar për coronavirus, pasi tetë pjesëtarë të stafit, dolën se janë të infektuar.
Mirëpo, të dy rezultuan negativ, teksa janë duke qëndruar në izolim. /Telegrafi/
