MBPEU do të ndërmerr masa për mbrojtjen e çmimit blerës të grurit

Rendimentet rekorde në Маqedoni, por edhe në Serbinë fqinje si prodhuesi më i madh i grurit në rajon, mund të shkaktojë çmime më të ulëta blerëse dhe për këtë Ministria e Bujqësisë, Pylltarisë dhe Ekonomisë së Ujërave (MBPEU) propozon tre masa konkrete për mbrojtjen e çmimit blerës të grurit, paralajmëroi ministri Mihail Cvetkov në takimin në Novaci me prodhuesit e grurit të Pellagonisë, transmeton Telegrafi Maqedoni.

‘Këtë vit nga 80 mijë hektarët e mbjella presim rendiment rekord prej rreth 300 mijë tonelata gruri, diçka që nuk ka ndodhur në 10 vitet e fundit. Gjithmonë në këtë periudhë të vitit bujqit ballafaqohen me problemin rreth çmimit blerës të grurit dhe për këtë që tani në marrëveshjen me ata ndërmarrim masa t’i mbrojmë’, tha Cvetkov.

Masa e parë, shtoi ai, është deponimi i grurit me çka do ta ulim presionin nga paraqitja e grurit tepricë në treg.

Masa e dytë, është blerja e grurit për rezervat shtetërore të bëhet vetëm për grurin me origjinë të Maqedonisë, ndërsa e treta është blerja intervenuese e grurit me të cilin do të përfshihen një numër i madh i ekonomive bujqësore. /Telegrafi/