Mbi 50 të vdekur dhe 700 të lënduar ndërsa tërmeti prej 5.6 ballësh goditi Indonezinë

Më shumë se 50 njerëz kanë gjetur vdekjen dhe rreth 700 janë lënduar pas një tërmeti që tronditi ishullin kryesor Java të Indonezisë të hënën.

Sipas mediave të huaja, përcjell Telegrafi, ekipet e shpëtimit janë përpjekur të arrijnë të mbijetuarit e bllokuar nën rrënoja pasi tërmeti u përcoll me dridhje të tjera më të vogla.

Guvernatori i Java-s Perëndimore, Ridwan Kamil konfirmoi se janë 56 të vdekur nga tërmeti.

At least 44 dead, 300 injured as 5.4 magnitude #earthquake shakes #Indonesia pic.twitter.com/lNeaEKWLd7

— The New Indian Express (@NewIndianXpress) November 21, 2022

Shërbimi Gjeologjik i SHBA-së tha se tërmeti me magnitudë 5.6 ballë ishte me qendër në rajonin Cianjur në provincën Java Perëndimore në një thellësi prej 10 kilometrash.

Agjencia e motit dhe gjeofizikës BMKG theksoi se nuk kishte potencial për një cunami.

Dapat kiriman video tadi di cianjur Gempa prihatin 😭 pic.twitter.com/4j9c47YD0C

— Iceu. S (@IceuS8) November 21, 2022

Cianjur është rreth 100 kilometra në jug të Xhakartës dhe tërmeti është ndjerë fuqishëm në kryeqytet dhe në zonën përreth.

https://twitter.com/noturlivan/status/1594669820733140994?s=20&t=mIrIk5dK2ecASBizS6sYFQ

Herman Suherman, kreu i administratës së qytetit të Cianjur, Java Perëndimore, i tha kanalit të lajmeve Metro TV se rreth 700 njerëz ishin lënduar.

Ai shtoi se “të paktën” 300 njerëz po trajtoheshin vetëm në një spital në qytet.

https://twitter.com/PHarujim13/status/1594670098895106048?s=20&t=mIrIk5dK2ecASBizS6sYFQ

Të afërmit e viktimave po mblidheshin në spitalin Sayang, shtoi ai, duke paralajmëruar se numri mund të rritet pasi fshatarët mund të jenë ende të bllokuar në rrënoja dhe shumë familje në fshatra nuk ishin evakuuar ende. /Telegrafi/