Mayweather befason të gjithë, paralajmëron përballjen me McGregorin dhe Nurmagomedovin brenda këtij viti

Boksieri amerikan, Floyd Mayweather u shfaq befasisht në rrjetet sociale duke njoftuar se do të ketë përballje të dytë me Conor McGregor dhe Khabib Nurmagomedov në këtë viti.

McGregor mposhti Donale Cerronen përmes një nokauti pas vetëm 40 sekondave në ngjarjen kryesore të UFC 246 të shtunën në Nevada.

Kjo fitore e luftëtarit irlandez erdhi pas plot 15 muajve jashtë oktogonit, pas humbjes nga Nurmahomedov.

Lexo po ashtu Conor McGregor rikthehet me fitore në UFC, triumfon me nokaut pas vetëm 40 sekondave ndaj Donald Cerrone

Fitorja e irlandezit e ka ‘ndezur’ boksierin 42-vjeçar, Mayweather, i cili ka befasuar të gjithë me postimet e fundit në Instagram.

https://www.instagram.com/p/B7fa2HRl3aI/

Mayweather ka bërë një postim, ku paralajmëron një luftë të dytë ndaj irlandezit McGregor këtë vit.

Disa minuta më vonë, amerikani bëri edhe një postim tjetër, ku kësaj radhe lajmëron përballjen me Nurmagomedov, po ashtu brenda 2020-tës.

https://www.instagram.com/p/B7ffIjhlUmP/

Postimet e tij kanë befasuar të gjithë spektrin e sporteve luftarake, por ende nuk ka asgjë zyrtare.

Ndonjë luftë mes këtyre emrave, qoftë në ring apo oktogon do të ishte e mirësëardhur për të gjithë adhuruesit e sportit. /Telegrafi/