Mascherano dëshiron kalimin te gjiganti italian

Juventusi është gati të luajë fort në verë, pasi me sa duket titulli kampion në Itali nuk i mjafton më bardhezinjve.

Objektivi i madh është Liga e Kmapionëve dhe për ta fituar natyrisht që duhen përforcime me peshë, si për shembull Javier Mascherano.

Mbrojtësi argjentinas i Barcelonës, sipas të përditshmes katalanase Sport është kontaktuar tashmë nga drejtuesit bardhezinj, e madje dialogu është në një fazë goxha të avancuar.

Lojtari u ka treguar njerzëve të Juventusit se është i gatshëm për tu transferuar në Torino.

Duhet theksuar se deri më tani nuk ka patur asnjë kontakt nga klubi italian me Barcelonën.

Mascherano i pëlqen shumë Juventusit dhe Allegrit si për kontributin që mund të jap, mund të luajë në dy role, si në mbrojtje ashtu dhe në mesfushë për të mbuluar mungesën e Marchisios, por gjithashtu edhe për eksperiencën dhe peshën që ka në arenën ndërkombëtare.

Bardhezinjtë mund të përfitojnë nga dëshira e Mascheranos për të ndryshuar ambient edhe pse në këtë operacion nuk mungojnë dyshimet që kanë të bëjnë me moshën 31- vjeçare dhe pagën e lartë.