Aktorja e “Game Of Thrones”, Lena Headey, e njohur më së shumti për rolin e Mbretëreshës Cersei, dukej e mrekullueshme në fotot e saj të dasmës, të cilat u shpërndanë në rrjetet sociale të hënën.
Ylli, 49 vjeçare, u martua me aktorin e “Ozark”, Marc Menchaca, 46 vjeç dhe dukej e mahnitshme e veshur me një fustan të thjeshtë të bardhë me lule në flokë për ceremoninë që u zhvillua në Itali, e rrethuar nga një numër i vogël miqsh dhe familjarësh.
Ajo mbante një tufë të thjeshtë me lule ndërsa i buzëqeshte me dashuri bashkëshortit të saj, përballë një sfondi me trëndafila të bardhë dhe rozë.
Martohet sërish Lena Headey
Në një fotografi tjetër, Lena u shfaq me gjuhën jashtë teksa pozonte me disa miq.
Aktorja britanike, e njohur për paraqitjen në dramën e HBO, i dha fund beqarisë në Pulia më 6 tetor.
Martohet sërish Lena Headey
Menchaca nga ana tjetër kishte veshur një kostum blu në gri me tre pjesë, të shoqëruar me një kapelë ngjyrë kafe.
Të ftuarit në këtë mbrëmje ishin Sophie Turner bashkë me partnerin e saj, Joe Jonas, Michala Cutting, Brian Moore dhe Charley McEwan.
Pamje nga dasma e aktores Lena Headey
Headey theksojmë që është martuar për herë të tretë.
Artistja u martua me burrin e parë, muzikantin Peter Paul Loughran, në vitin 2007 përpara se të divorcohej gjashtë vjet më vonë, në vitin 2013.
Ish-çifti kanë djalin e tyre Wylie, 11 vjeç.
Në vitin 2015 ajo mirëpriti vajzën Teddy me të dashurin regjisor Dan Cadan, një shok fëmijërie, por çifti u ndanë në 2018 - dy vjet para se ajo të fillonte lidhjen e saj me Menchaca. /Telegrafi/
Foto: HBO
