Mark Zuckerberg është drejtori më i vlerësuar i industrisë

Kritikët jashtë Facebook mund të vënë në pikëpyetje udhëheqjen e Mark Zuckerberg, por duket se brenda kompanisë, ai është shumë i vlerësuar.

Drejtori i Facebook, 28-vjeçari Zuckerberg kryeson listën e Glassdoor si drejtori ekzekutiv më i vlerësuar nga punëtorët e kompanisë së tij.

Në vlerësimin e bërë, Zuckerberg mori 99 për qind miratim për punën e tij, apo një ngritje prej 14 për qind që nga viti i kaluar.
Glassdoor, renditjen e saj e bazon në komente anonime nga punonjësit brenda kompanive, dhe në rastin e Facebook ajo citoi një punonjës i cili ka thënë se rrjeti më i madh social është "një komunitet i hapur, duke u nisur nga Zuck dhe vartësit e tij më poshtë. Ai është vërtetë i respektuar nga punëtorët".

Ndërsa, drejtori i Google Larry Page ka zënë vendin e 11-të në këtë listë, me 95 për qind Pajtim nga punëtorët , të cilët e kanë vlerësuar punën e tij. Jeff Bezos i Amazon radhitet i 16’ti me 93 për qind, ndërsa drejtori i Apple, Tim Cook mban numrin 18 me 93 për qind./ Telegrafi /