Marilyn Manson padit ish-të dashurën Evan Rachel Wood për shpifje

Në një ankesë të depozituar në Gjykatën e Lartë të Los Angelesit të mërkurën, Manson – emri i vërtetë i të cilit është Brian Warner – akuzon aktoren se e ka përzgjedhur Warnerin “si një përdhunues dhe abuzues”.

Ai vazhdon të përshkruajë “një komplot” që dyshohet se sajuan për të rrëzuar artistin.

Wood është në realizim të dokumentarit të ri “Phoenix Rising”, që pritet të jepet premierë në HBO më 15 mars.

Filmi, me regji nga Amy Berg, përfshin akuzat e Wood kundër Warner, duke filluar me mënyrën se si ata u takuan kur ajo ishte adoleshente. (Një burim i afërt me dokumentarin konfirmoi për Rolling Stone se padia e Warner nuk do të ndikojë në datën e transmetimit ose përmbajtjen e filmit me dy pjesë).

Lexo po ashtu Aktorja që pretendon se u përdhunua nga Marilyn Manson do ta publikojë vazhdimin e dokumentarit që flet për atë që i ndodhi

Padia gjithashtu pretendon se mikja e Evan, Gore u përpoq të merrte informacionet e hyrjes së Warner dhe hakoi kompjuterin, telefonin dhe e-mailin e tij.

Ajo dyshohet se krijoi një llogari të rreme e-mail për të pretenduar se Marilyn po u dërgonte njerëzve pornografi. I njëjti po kërkon dëme të paspecifikuara nga Wood dhe Gore dhe një urdhër kundër tyre.

Këngëtari komentoi padinë. “Do të vijë një moment kur unë mund të ndaj më shumë për ngjarjet e vitit të kaluar”, shkroi ai. “Deri atëherë, unë do t’i lë faktet të flasin vetë”. /Telegrafi/