Marchisio do ta respektojë kontratën me Juven

Babai i Claudio Marchisios thotë se mesfushori i Juventusit nuk do të largohet drejt MLS-së, Ligës Premier apo Bundesligas.

Futbollisti italian është i preferuari i tifozëve, mirëpo ka luajtur shumë pak prej se u rikuperua nga një lëndim serioz i gjurit.

“Claudio është i qetë dhe për disa muaj ka qenë në formë të mirë, është angazhuar shumë dhe i ka siguruar të gjithë se është gjithmonë i gatshëm, por pastaj vendimin e merr trajneri”.

Lexo po ashtu Të gjitha lajmet për Claudio Marchision

“Nëse do të varej nga unë, do ta bëja si në basketboll me zëvendësime të pakufizuara për ta rritur intensitetin e ndeshjeve, mirëpo e di si ky është një vizion utopik. Të gjithë duan të luajnë, por i këtillë është futbolli”.

“Gjithmonë shpresoj që Juve të fitojë dhe Claudio të luajë, por kjo varet nga mijëra faktorë të ndryshëm”.

“Claudio ka edhe dy vite të tjera në kontratën e tij, të cilën dëshiron ta respektojë, sepse e do klubin. Shumë gjëra të pavërteta janë dhënë. Njerëzit kanë thënë se kemi qenë në Gjermani, Angli apo në Shtetet e Bashkuara”.

“Nëse klubi (Juventusi) thotë se Claudio nuk është më pjesë e projektit, atëherë do të fillojmë të shqetësohemi për këtë gjë”, ka deklaruar Stefano Marchisio për juvenews.eu. /Telegrafi/