LAJMI I FUNDIT:

Maqedoni, takimi konstitutiv i grupit punues sektorial për zhvillim lokal dhe regjional në procesin e integrimit në Bashkimin Evropian

Maqedoni, takimi konstitutiv i grupit punues sektorial për zhvillim lokal dhe regjional në procesin e integrimit në Bashkimin Evropian

Në koordinim me Ministrinë e vetëqeverisjes lokalet, sot në Qeverinë e Republikës së Maqedonisë së Veriut u mbajt takim konstitutiv i grupit punues sektorial për zhvillim lokal dhe regjional në procesin e integrimit të Republikës së Maqedonisë së Veriut në Bashkimin Evropian. Në grupin punues sektorial, të cilin e kryeson ministri i vetëqeverisjes lokale, Suhejl Fazliu, bëjnë pjesë përfaqësues nga ministritë përkatëse, nga BNJVL, nga bashkësia akademike dhe e donatorëve si dhe nga shoqëria civile.

Siç njoftojnë nga kabineti i ministrit Suhej Fazliu, grupi punues sektorial do të sigurojë mbështetje ekspertësh në drejtim të hartimit dhe zbatimit të politikave për zhvillim lokal dhe regjional në procesin para-aderues të Republikës së Maqedonisë së Veriut në Bashkimin Evropian, mbështetje për zbatimin e instrumentit IPA, si dhe koordinimin e ndihmës së donatorëve, njofton Telegrafi Maqedoni.

Ministri Fazliu tha se me aktin e konstituimit të grupit punues sektorial, në kuadër të mekanizmit për forcimin e dialogut ndërmjet Qeverisë, sektorit qytetarë dhe Bashkësisë donatore, definitivisht njohim rrolin e pushtetit të vetëqeverisjes lokale në procesin e integrimit të Republikës së Maqedonisë së Veriut në Bashkimin Evropian. Shkas i drejtpërsëdrejti për formimin e këtij grupi punues sektorial është miratimi i Projektit për zhvillim regjional dhe lokal, i cili financiarisht kap vlerë prej 6 milion euro ndërsa do të mbështetet dhe realizohet nga Instrumenti IPA II i Bashkimit Evropian.


“Qëllimi i këtij projekti është rritja e efektit, efikasitetit dhe mbështetjes publike të qeverisjes lokale. Implementimi do të fillojë nga viti 2020. Me Projektin do të menaxhojë Delegacioni i Bashkimit Evropian. Ministria e vetëqeverisjes lokale do të koordinojë këtë proces përmes grupit punues sektorial për zhvillimin lokal dhe regjional, në të cilin ka anëtarë nga përfaqësues të ministrive përkatëse, bashkësia e donatorëve dhe e ekspertëve, përfaqësues të shoqërisë civile dhe sektorit të biznesit”, theksoi ministri Suhejl Fazliu.

Përfaqësuesi i Delegacionit të BE-së, Nicola Bertolini përshëndeti konstituimin e grupit punues sektorial për zhvillim lokal dhe regjional, mes tjerash si një mekanizëm për planifikimin e mbështetjes së donatorëve të bazuar në politikat reformuese të cilat i realizon shteti.

-Tridhjet e shtatë për qind nga mbështetja e Bashkimit Evropian ose 170 milion euro implementohen në nivel lokal, përmes implementimit të drejtpërdrejtë të projekteve, përmes projekteve IPA për bashkëpunim ndërkufitarë, projekte që implementohen nga ana e organizatave qytetare, ndërsa këtu janë edhe donatorë tjerë. Ky forum është mundësi e mirë që të flasim për gjithë atë që është bërë dhe çfarë do të bëhet, të zhvillohen indikatorë real për të matur progresin e përmirësimit të cilësisë së jetesës, tha Bertolini./Telegrafi/

Në trend Lajme

Më shumë
Dalin pamjet e momentit të aksidentit ku humbën jetën dy vajzat e reja nga komuna e Kamenicës

Dalin pamjet e momentit të aksidentit ku humbën jetën dy vajzat e reja nga komuna e Kamenicës

Lajme
Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Lajme
Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Lajme
Policia tregon se si erdhi deri te aksidenti i rëndë në Ranillug ku humbën jetën dy vajza

Policia tregon se si erdhi deri te aksidenti i rëndë në Ranillug ku humbën jetën dy vajza

Kronika e Zezë
Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Lajme
Prokuroria autorizon policinë që të nisë hetimet ndaj Sami Kurteshit

Prokuroria autorizon policinë që të nisë hetimet ndaj Sami Kurteshit

Lajme
Kalo në kategori