Maqedoni, për pesë vite 138 paraburgime të pabaza

Në pesë vite, 138 qytetarë të Maqedonisë janë arrestuar në mënyrë të pabazë. Mundësinë për ta paditur shtetin dhe të kërkojnë dëmshpërblim për paraburgim të pabazë nuk e kanë shfrytëzuar as gjysma e tyre për shkak të procedurave burokratike dhe kompensimit të vogël që e caktojnë aktvendimet e gjykatave, të cilat sillen prej 2.500 deri 3.000 denarë për një ditë të kaluar në paraburgim në mënyrë joligjore, përcjell Telegrafi Maqedoni.

Kompensimi i përgjithshëm i caktuar nga aktvendimi i gjykatës i dëmit material në këtë periudhë është rreth katër milionë denarë për një ditë të kaluar në paraburgim në mënyrë jolgjore, që është për 45% nga shuma e kërkuar e cila paraqet mbi tetë milionë denarë.

Këto janë rezultatet e prezantuara sot në kuadër të hulumtimit “Të paraburgosur në mënyrë të pabazë – implikime juridike dhe buxhetore”, i përpunuar nga ana e Shoqatës për mbrojtjes dhe avancimin e të drejtave dhe lirive të njeriut “Svedok”, mbështetur nga Qeveria e Holandës.

Hulumtuesit theksjnë se “çmimi” për një ditë paraburgim të pabazë është shumë i ulët dhe se gjykatësit në gjykatat civile kanë praktikë të etabluar për caktim të aktvendimeve të shumave të voga dhe të parëndësishme për kompensim të dëmit dhe se kjo reflektohet negativisht ndaj gjykatësve në procedurën penale që në mënyrë jokritike të përcaktojnë masën e paraburgimit./Telegrafi/