Maqedoni, konkurs për temën më të mirë në gazetari

53 individë të interesuar janë paraqitur në konkursin për start up garë gazetareske në Maqedoni, e cila do të mbahet prej sot e deri më 29 janar në hapësirat e Seavus inkubatorit në Shkup, përcjell Telegrafi Maqedoni.

‘Në konkursin për këtë garë treditëshe janë paraqitur 53 individë të interesuar të cilët do të mund gjatë fundjavës më mirë të njoftohen dhe të formojnë ekipe, sipas projekteve të paramenduara dhe mënyrën e përpunimit. Këto ekipe do të punojnë në përpunimin e ideve në tre kategori’, kumtoi organizatori, i cili tha se target grup janë gazetarët, aktivistë qytetarë, programues, ekspertë për gamifikacion dhe disenjerë grafik.

Kategoria e parë është shpjegimi digjital, ku pritet pjesëmarrësit të punojnë storie gazetareske, e cila shfrytëzon tekst, fotografi dhe video prezantim publik përmes web faqes. Kategoria e dytë është loja interaktive online ku pritet të bëhet storie gazetareske, e shndërruar në lojë online për prezantim publik përmes web fawes. Kategoria e tretë është zhvillim i mjeteve gazetareske, të cilat në të ardhmen do t’u ndihmojnë gazetarëve në shkrimin e storjeve të tyre gazetareske, njofton AIM.

Në dy ditët e para të garës do t’i përpunojnë idetë dhe do të formohen ekipet, ndërsa ditën e tretë para jurisë do të prezantohen idetë. Idetë më të mira do të fitojnë shpërblime në para. Storjet gazetareske dhe projektet do të publikohen në online platformën e mbajtur nga Fondacioni për debat dhe edukim Ide Evropa Juglindore Shkup. /Telegrafi/