Maqedoni, Komisioni për antikorrupsion interesohet për rastin M-NAV

Edhe Komisioni për antikorrupsion janë të interesuar për rastin e zgjedhjes së Kryesisë mbikëqyrëse të ndërmarrjes shtetërore për kontroll të fluturimit, M-NAV. Komisioni për antikorrupsion ka hapur lëndë në të cilën do të hetohet nëse dikush nga Qeveria ka bërë falsifikim të dokumenteve, ka ndryshuar data të vendimeve të sjellura në Qeveri, por edhe a është në pajtim me ligjin zgjedhja e drejtorit të M-NAV, që ka ndodhur një ditë para caktimit të zgjedhjeve të reja, nga një Drejtori qendrore e cila nuk ka qenë e vendosur në Regjistrin qendror, përcjell Telegrafi Maqedoni.

I tërë procesi është i dyshimtë pikërisht për shkak se ka ndodhur dy ditë para caktimit të zgjedhjeve, ndërsa një ditë para caktimit janë emëruar drejtorët. Pjesë e të punësuarve në M-NAV reagojnë për atë se janë zgjedhur drejtorë, por Drejtoria mbikëqyrëse nuk ka qenë ende e vendosur në Regjistrin qendror.

Sekretari i Qeverisë, Dragi Rashkovski për Telma vërtetoi se ai ka nënshkruar korrigjimin e dokumentit, në të cilin është fshirë emri i Edmond Kaliqit, si anëtar i Drejtorisë mbikëqyrëse dhe është shkruar emri i Millorad Millanoviq, për të cilin nga Qeveria reaguan se është gabim teknik./Telegrafi/