Man City i bashkohet garës për Emre Canin

Juventusi mund të humbasë Emre Canin, pasi raportet e mediave angleze sugjerojnë se mesfushori i Liverpoolit është i vendosur të bashkohet me Manchester Cityn si një agjent i lirë.

Kontrata e tanishme e 23-vjeçarit gjerman do të skadojë në fund të sezonit dhe si duket mesfushori nuk e ka ndërmend të nënshkruajë zgjatjen e saj.

Juventusi kurrë nuk e ka fshehur dëshirën e tyre për ta sjellë atë falas gjatë verës dhe madje mund të provojë një transferim të tij edhe në afatin kalimtar të janarit.

Lexo po ashtu Khedira po mundohet ta bind Canin t’i bashkohet Juventusit

Drejtuesit e Zonjës së Vjetër thuhet se kanë angazhuar edhe mesfushorin e tyre, Sami Khedira që ta bind bashkëkombësin e tij që t’i bashkohet Juventusit.

Megjithatë, mediumi Star on Sunday raporton sot (e diel) se Emre Can është i gatshëm t’i bashkohet Manchester Cityt sapo të skadojë kontrata e tij.

Bardhezinjtë nuk kanë hequr dorë dhe shpresojnë se prania e shokut gjerman, Sami Khedira, mund të ndihmojë në transferimin e Canit në drejtim të Torinos, por futja në garë e liderit të Ligën Premier ka ndryshuar gjithë situatën.

Lexo po ashtu Heynckesit i pëlqen Emre Cani

Në këtë sezon, Can ka kontribuar me tre gola dhe dy asistime në 15 ndeshje konkurruese për Liverpoolin.

Can është lojtar i padiskutueshëm në formacionin e Jurgen Kloppit, ndërsa për të interesim ka shprehur edhe ish-skuadra e tij, Bayern Munich. /Telegrafi/