Majlinda Kelmendi ka përfunduar sot (e hënë) zyrtarisht karrierën e saj si xhudiste.
Ajo ka qenë e pranishme në një ceremoni të organizuar nga presidentja Vjosa Osmani, derisa ka falënderuar trajnerin Driton Kuka e po ashtu edhe popullin shqiptar për mbështetje.
Krahas fjalimit emocional, ylli nga Peja mori vëmendje edhe me paraqitjen atraktive në një fustan të zi të prerë anash.
Majlinda Kelmendi (Foto: Screenshot)
Bukuroshja është shfaqur në formë të mahnitshme, teksa u komplimentua në masë të madhe për ‘look’-un.
Duhet theksuar se në Lojërat Olimpike Rio 2016, Kelmendi pati fituar medalje të artë në xhudo, duke ia siguruar Kosovës medaljen e parë të këtij lloji.
Majlinda Kelmendi (Foto: Screenshot)
Përgjatë karrierës së saj të artë, ajo gjithashtu është shpallur kampione evropiane dhe botërore.
Ajo tani do të jetë trajnere përkrah Kukës. /Telegrafi/
Majlinda Kelmendi (Foto: Screenshot)
