Majlinda Kelmendi bën homazhe te varri i presidentit Ibrahim Rugova (Foto)

Majlinda Kelmendi po vazhdon vizitat pas kthimit prej Lojërave Olimpike të Rios.

Xhudistja kosovare, e cila javë më parë ka fituar medaljen e artë, është pritur kësaj radhe prej familjes së presidentit të ndjerë, Ibrahim Rugova.

Me këtë rast, deputetja kosovare dhe vajza e presidentit, i kanë uruar shumë suksese Majlindës, e cila ka vizituar varrin e Ibrahim Rugovës, transmeton Telegrafi.

“Majlinda Kelmendi, kampione olimpike, Driton Kuka, trajner dhe Agron Kuka, kryetar i Federatës Kosovare të Xhudos bënë homazhe te babai dhe vizituan familjen. Suksese të tjera për Majlindën”, ka shkruar deputetja e LDK-së, Teuta Rugova.

Edhe trajneri i xhudistes, Driton Kuka ka zbuluar se Majlinda është nderuar duke marrë një dekoratë prej familjes Rugova.

Majlinda dhe ekipi ynë sot kemi ba Homazhe para varrit të Presidentit Historik të ndjerit Ibrahim Rugova duke vazhduar mandej me vizitë në familjen Rugova ku kemi has në mikpritje të ngrohtë. Majlinda u nderua edhe me Dekoratë nga Familja Rugova”, ka shkruar në Facebook, Kuka

Kujtojmë se ditë më parë Majlinda ka vizituar edhe familjen Haradinaj, ndërsa dje ka pranuar shpërblimet që i takojnë prej shtetit të Kosovës. /Telegrafi/