Macron njofton investimin prej 500 milionë eurosh në Inteligjencën Artificiale

Presidenti francez, Emmanuel Macron bëri një hap të mërkurën që Franca të bëhej lider në Inteligjencën Artificiale (AI) derisa foli në VivaTech në Paris, një nga ekspozitat më të mëdha të teknologjisë në Evropë.

Ai njoftoi 500 milionë euro në fonde të reja për të “krijuar kampionë” në AI dhe vlerësoi projektet që kanë për synim t’iu drejtohen masës që flasin frëngjisht, pasi rritet shqetësimi për firmat e Silicon Valley që nxisin dominimin në gjuhën angleze të sistemeve të AI-s, transmeton Telegrafi.

Shefi i Twitter dhe i Tesla-s, Elon Musk do të marrë pjesë gjithashtu të premten në VivaTech, dhe ka gjasa të flasë për kompaninë e tij Neuralink, që së fundmi fitoi miratimin nga SHBA-ja për ta testuar çipin tek njerëzit.

Më shumë se 2,000 firma po ekspozohen në panairin VivaTech, që ka filluar të mërkurën dhe do të mbahet deri të shtunën, me produkte që variojnë nga maskat e skive me realitet të shtuar deri te një chatbot i animuar nga AI që ju lejon të “bisedoni” me mjeshtrin holandez Vincent Van Gogh.

Dhjetëra mijëra priten të vizitojnë eventin, derisa të shtunën do të jetë i hapur për publikun. /Telegrafi/