Macron këndoi në rrugë pas një fjalimi televiziv, në një përpjekje për të ‘lehtësuar pakënaqësinë franceze’

Macron këndoi në rrugë pas një fjalimi televiziv, në një përpjekje për të lehtësuar pakënaqësinë franceze

Është publikuar një video që tregon presidentin francez Emmanuel Macron duke kënduar pas fjalimit të mbrëmshëm televiziv, në të cilin u përpoq të qetësonte opinionin e pakënaqur me reformën e pensioneve.

Dyshohej se videoja ishte falsifikuar duke përdorur inteligjencën artificiale, por njerëz të afërt me Macron konfirmuan se videoja ishte e vërtetë.

Sipas tyre, ai dhe gruaja e tij Brigitte takuan një grup të rinjsh që po këndonin, ndaj dhe ai u bashkua me ta duke kënduar një këngë tradicionale që ai vetë e do.

Është kënga “Le Refuge”, dhe i kushtohet shtëpisë në vargmalin në kufirin jugperëndimor të Francës dhe Spanjës, transmeton Telegrafi.

Disa e interpretojnë këtë si një përpjekje për t’u afruar me qytetarët, për shkak të pakënaqësisë me vendimin për ngritjen e moshës së pensionit nga 62 në 64 vjeç.

Për javë të tëra, Franca është goditur nga protesta në shkallë të gjerë nga qytetarët e pakënaqur dhe protestat janë shpesh të dhunshme.

Gazeta e majtë Liberation raportoi vitin e kaluar se grupi i të rinjve me të cilët Macron po këndonte, ishin në fakt aktivistë të ekstremit të djathtë që këndonin këngë të lidhura me Gjermaninë naziste.

Videoja e lartpërmendur është publikuar fillimisht në faqen e Facebook të këtyre aktivistëve të mbledhur në organizatën Project Canto.

Megjithatë, një person nga zyra e Macron siguron se presidenti nuk mund ta dinte se për çfarë profili po fliste. Aktivistët e lartpërmendur i thanë Liberation vitin e kaluar se kanë edhe këngë të majta ekstreme, shkruan France24. /Telegrafi/

https://twitter.com/2022Elections/status/1648327866428403715?ref_src=twsrc%5Etfw%7Ctwcamp%5Etweetembed%7Ctwterm%5E1648327866428403715%7Ctwgr%5Ea13d9908e59b1a7dbaf103642a10870dea52afc2%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fmacron-pjevao-na-ulici-nakon-televizijskog-obracanja-u-pokusaju-da-smanji-nezadovoljstvo-francuza%2F230418196