Lunacek e entuziazmuar: Ditë gëzimi për Kosovën

Raportuesja për Kosovën në Parlamentin Evropian, Ulrike Lunacek ka uruar qytetarët e Kosovës për rekomandimin e liberalizimit të vizave nga Komisioni Evropian.

Lunacek në një postim në Facebook ka thënë se sot është ditë gëzimi për Kosovën, si dhe është një hap që do t’i japë fund izolimit të gjatë dhe të papranueshëm të qytetarëve të Kosovës.

Shënimi i plotë i Lunacekut:

“Ditë gëzimi për Kosovën! Drita e gjelbër për liberalizimin e vizave për Kosovën do t’i japë fund izolimit të gjatë të qytetarëve kosovarë!

Drita e gjelbër e Komisionit Evropian për liberalizimin e vizave që pritej për një kohë të gjatë, sjell gëzim te qytetarët kosovarë dhe për të gjithë ne që e kemi përkrahur për shumë gjatë udhëtimin pa viza për shtetin më të ri evropian. Është një moment i ri dhe i mirë edhe për procesin integrues në Kosovë. Ky hap i pritur gjatë do të çojë drejt përfundimit të izolimit të papranueshëm të qytetarëve të Kosovës, që prej kur liria e udhëtimit gëzohet nga qytetarët e të gjitha vendeve të regjionit që nga fundi i vitit 2010”.