Lumbardh Dellova, ftesa e munguar për mbrojtësin që po tregon nivel të lartë në dy vitet e fundit

Lumbardh Dellova tash e një kohë është qendërmbrojtësi më i mirë në Superligën e Kosovës, ku me Ballkanin për të dytin vit radhazi është gati të kap fazën e grupeve të Ligës së Konfernecës.

Përzgjedhësi Primoz Gliha sot ka publikuar listën prej 27 futbollistëve që do të jenë pjesë e ndeshjeve të muajit shtator ndaj Zvicrës dhe Rumanisë.

Meriton Korenica, Kreshnik Hajrizi, Andi Hoti, Altin Zeqiri dhe Valon Zumberi janë emrat e rinj të ftuar me ekipin A të Kosovës për këto ndeshje.

Lexo po ashtu Primoz Gliha publikon listën e Kosovës për dy ndeshjet e shtatorit, shumë emra të rinj në listë

Por një emër që ka tri paraqitje me Kosovë, Lumbardh Dellova, nuk është ftuar për këtë ndeshje, ndërsa afrimet e Zumberit dhe Hotit që luajnë në pozitën e tij mund të kenë qenë arsyeja.

Dellova kishte debutuar me Kosovën ndaj Burkina Fasos në miqësore ku luajti 19 minuta në fitoren 5-0 në mars të 2022.

Ai ishte i ftuar për ndeshjet ndaj Irlandës së Veriut dhe Qipros, por nuk luajti fare në ndeshjet e shtatorit të vitit të shkuar.

Lexo po ashtu Formacioni i vitit 2022 në Superligën e Kosovës në futboll

Por dy muaj më pas ai luajti nga 90 minuta ndeshjet miqësore me Armeninë (2-2) dhe Ishujt Faroe (1-1).

Paraqitjet e tij me Ballkanin në garat ndërkombëtare kanë qenë të nivelit të lartë dhe ftesa për të ishte pritur nga shumë njohës të futbollit.

Kjo pasi Dellova është shumë i fortë në markimet një me një, ka kërcim të lartë dhe është organizator shumë i mirë i lojës.

Lexo po ashtu Përditësimi i fundit: Vlera e klubeve të Superligës së Kosovës dhe 15 lojtarët më të vlefshëm

Një ftesë për 24 vjeçarin që ka bërë karrierë edhe te Hajduk Split do të ishte një motiv i madh për një rrugë të re që mund ta marr në ditët në vijim, apo edhe vitin që vjen. /Telegrafi/