Lukaku ia “bën me sy” Chelseat në barazimin e Belgjikës me Anglinë

Romelu Lukaku i shmangu pyetjet për të ardhmen e tij te Chelsea, pasi shkëlqeu në barazimin 2-2 të Belgjikës me Anglinë.

Sulmuesi, i cili është i huazuar te Roma nga londinezët perëndimor, do të kthehet në Stamford Bridge në verë dhe nuk duket të jetë pjesë e planeve të Mauricio Pochettinos.

Lukaku shkëlqeu në Wembley të martën mbrëma, duke u kujtuar tifozëve anglezë cilësitë e tij pas një periudhe të vështirë në Chelsea. Asistimi i tij i mrekullueshëm me pjesën e jashtme të këmbës së majtë e gjeti Youri Tielemans që shënoi me kokë për të shënuar rezultatin 2-1.

Disa te Chelsea mund të argumentojnë se Lukaku është qendërsulmuesi më i mirë në listat e tyre. Sulmuesit e Pochettinos kanë luftuar për gola këtë sezon – ndërsa 30-vjeçari ka shënuar 18 herë në të gjitha garat në Itali.

I pyetur nga Sky Sports nëse dëshiron të bëjë përshtypje sa herë që luan në Angli, Lukaku qeshi dhe u përgjigj troç: “Duhet të pyesni Chelsean”.

Belgjika ishte e frustruar pasi kryesoi 2-1 në pjesën më të madhe të pjesës së dytë. Ivan Toney kishte anuluar golin e hershëm të Tielemans përpara se mesfushori i Aston Villa të godiste sërish pak para pjesës së parë, ndërsa Jude Bellingham i barazoi shifrat për rezultatin final 2-2. /Telegrafi/