Luiz Ejlli surprizon me ndryshimin e ri në dukje

Këngëtari i njohur nga Shkodra dhe ish-banori i spektaklit të famshëm “Big Brother VIP Albania 2”, Luiz Ejlli, ka bërë një ndryshim të ri në pamjen e tij.

Fituesi i edicionit të dytë të “Big Brother Vip Albania” ka zgjedhur të ndryshojë ngjyrën e flokëve nga bionde në lejla, një zgjedhje e guximshme që rrallë herë shihet tek meshkujt.

Luizi ka ndarë ndryshimin me ndjekësit e tij nëpërmjet një videoje të publikuar në llogarinë e tij në Instagram, ku përveç pamjes së re, ka përfituar nga rasti për t’u uruar të gjithë arsimtarëve në këtë ditë të veçantë.

“Gëzuar festën të gjithë mësuesve që na kanë dhënë edukatën formimin, e të tëra. Kjo boja që po shihni nuk është sugjeruar nga asnjëri prej tyre. Thjesht ju uroj nga zemra gëzuar festën edhe ju paçim tërë jetën. Faleminderit për gjithçka.” – shprehet Luizi në videon e tij.

Ndryshimi i papritur ka sjellë një valë komentesh dhe reagimesh të shumta nga fansat dhe ndjekësit, të cilët nuk kanë ngurruar të shprehin admirimin apo edhe të befasohen nga transformimi i artistit të dashur për publikun shqiptar. /Telegrafi/