‘Lotari’ italiane me veturat elektrike – subvencionet u harxhuan për nëntë orë!

Qeveria italiane nisi të hënën një program të ri të debatuar gjatë të subvencioneve bujare për veturat elektrike të lira. Gjithçka përfundoi brenda një dite.

Siç raporton RAI, pas më pak se nëntë orësh kanë mbërritur aq shumë aplikime për Ecobonus-in e ri, saqë është shpenzuar buxheti prej 200 milionë eurosh, i destinuar për ndihmë për blerjen e veturave elektrike.

Subvencioni ishte veçanërisht bujar, por iu nënshtrua kushteve strikte: një subvencion maksimal prej 13,750 euro ishte në dispozicion për blerësit e automobialve me një tregues të ardhurash (ISEE) prej më pak se 30 mijë euro, të cilët braktisën veturën e tyre të vjetër (Euro 2) dhe blenë një automobil të ri në vend. Pa kufizime të të ardhurave dhe pa dorëzuar automjetin e vjetër, subvencionet shkuan deri në 6000 euro maksimale. Deri më tani nuk dihet se sa janë subvencionuar blerjet, por gjithçka të kujtonte një short në të cilin një nga kriteret kryesore ishte shpejtësia.

Linja e dytë e subvencioneve është ende në dispozicion, me një buxhet total prej rreth 400 milionë euro. Këto subvencione janë më të ulëta dhe me to qeveria mbështet blerjen e automjeteve të lehta elektrike, si Fiat Topolino e re, hibride apo makina e motoçikleta me kursim të karburantit me motorë me djegie të brendshme, si ato që punojnë me gaz.

Deri më tani, pjesa e tregut të veturave elektrike në vend ka qenë dukshëm nën mesataren evropiane, rreth 4.4 për qind e automjeteve të reja elektrike janë shitur vitin e kaluar.

Sindikatat fajësuan pritjen për subvencione për kërkesë të dobët. Në fillim të vitit, grupi Stellantis ndaloi prodhimin e makinës së vogël elektrike Fiat 500e në Torino për një kohë të gjatë për shkak të shitjeve të dobëta. /Telegrafi/